You can read the article in English ?? here.
السلام، سميتي هبة عندي 21 عام من المغرب و ça fait 2 ans دابا باش كنقرا الشينوية
الشينوية واحد اللغة اللي كلشي كل قول صعيبة donc قلت خاصني نتعلم شي لغة اللي نقد نتحدى فيها راسي donc la langue chinoise كانت الخيار الأول ديالي عليها جيت دابا للصين و كا نقرا la langue chinoise فيBLCC.
خديت باك Science من بعدها درت la fac pour 6 mois قلت بغيت نقرا شي حاجا جديدة وانا نلقا l’agence ديالي قالت ليا بزاف ديال الناس كيمشيو la Chine علاش لا ما ت essayer تمشي la Chine donc جيت la Chine هنا و دابا كانقرا la langue و نقدر نقول لكم أنه أحسن حاجة ختاريت ندير.
أحسن حاجة في la Chine هو النظام، النظام في الطوبيس، النظام في Subway ، النظام في المدرسة. الطوبيس إلا بغيتي طلع ليه واحد واحد كدوز la carte عاد كتمشي تجلس ماشي الصداع الروينة المدابزة الاحترام بزاف ما كاينش شي واحد اللي غا يجي كا دير شي حاجة خايبة يبدا يغوت عليك كلشي داخل سوق راسو كلشي كيضحك كلشي مزيان donc اللي كيعجبني بزاف هو النظام
Beijing واحد المدينة اللي كبيرة بزاف فيها بزاف ديال الناس mais كما قلت لكم واخا كينين الناس بزاف كاين النظام، كلشي كيحتارم المشي، الطوبيس ب les cartes، les supermarchés كبار يمكن ليك تلقى أي حاجة بغيتي، هو شوية صعيبة أنه حنايا اللي مغاربة ولا من البلدان الخرين ما غاديش نلقاو داكشي باش كنطيبو، داكشي باش كناكلو، ولكن petit à petit كاتولي تولف.
الماكلة في la Chine صعيبة بزاف حيت هما كياكلو الروز بزاف حنايا المغاربة كناكلو الخبز donc ملي أول مرة جينا لقينا صعوبة باش نولفو الماكلة ديالهم حيت كياكلو الحار، كياكلو الروز في الفطور، كياكلو الروز في الغذا، كياكلو الروز في العشاء، حنا لا حنا خصنا الخبز خصنا شي حاجة اللي تشبعنا donc خدينا واحد الوقت بزاف باش نولفو ولكن دابا ولينا عادي ولينا كا نمشيو les restos chinois كاناكلو عادي normal زعما خاص غير تكون عندك ديك الرغبة أنه تولف أما لا كنتي جاي ب ديك l’idée ديال chinois ماكلتها خايبة صافي غا تبقى ديما هكاك عمرك ما غتولف الماكلة ديالهم.
عمر ما شي لغة جديدة غا تعلمها ما غتكون ساهلة، دايما les langues كيكونو صعاب، و la langue chinoise هي أول لغة اللي كلشي كيهضر بها بزاف donc ديما كيكون صعوبة فيها وحنا شحال ما قرينا باقي ما غنحسوش براسنا را وصلنا لداك niveau ديال أننا ولينا بحال الشناوا ولينا كنهدرو بحال الشناوا ولينا كنفهمو بحال الشناوا، donc أنا كتجيني la langue chinoise خاصها بزاف ديال الخدمة خاصك تكون sérieux بغيتي تقرا ماشي تبقى كاتقرا ف le cour كاتدخل كاتخرج ما خاصكمش تخافو كاين بزاف اللي تيقول ليك oh غاتمشي تال la Chine باش غادي تقرى شي حاجة بالعكس la Chine ملي غاتوصل ليها غادي تلقى واحد البلاد مختلفة على ديكشي اللي كانسمعو، كانسمعو بحالا الشناوا كاملين كيتشابهو، الشينوية صعيبة بزاف c’est vrai الشينوية صعيبة بزاف ولكن إلا عطيتيها الوقت ديالها و كنتي sérieux فيها غادي تشدها. Donc اللي كا نقول ليكم خلاصة القول هو خاصكم تتشجعو، خاصكم تحداو ريوسكم، و ماشي اللي سمعتوها على la Chine صافي را هي اللي كاينة ، خذ الخطوة الأولى أجي la Chine جرب و ديك الساعة غا تشوف شنو كاين.
شنو بغيت ندير ف le futur هو نخدم الترجمة، بغيت نترجم من la langue chinoise au français ولا l’anglais حيت كيفما كنعرفو حنايا المغاربة كنقدو نهدرو ربعة ديال اللغات français العربية l’anglais و مع دبا الشينوية غا تكون هي الرابعة donc الترجمة لقيت هي أحسن خدمة اللي نقدر ندير دابا.
القرايا هنا في la Chine trop sérieuse الأساتذة كايقاو معاك باش تقرا ماشي جايين لهنا باش تلعب donc كيكون sérieux القسم، الأستاذ كيدخل كيدير le cour ديالو ما كتحسش بالملل، في القسم ما كاينينش بزاف ديال les étudiants، كايني 12 donc كلا واحد عندو الحق يهدر كلا واحد عندو الرأي ديالو يهدر، ما فهمتيش شي حاجة عندنا حنا واحد l’application سميتها WeChat يمكن ليك تهضر مع le prof تسولو مافهمتيش هدا يقدر يعاونك يقدر يشرح ليك غير par téléphone هادشي في حالة زعما ما جيتيش le cour donc القراية هنايا différent على القراية في المغرب حيت القراية في المغرب شوية الأستاذ يقدر ما يكونش مزير معاك غا يقول ماشي شغلي ما بغاش يقرا ماشي أنا اللي غانقريه ولكن هنا في la Chine c’est trop sérieux الأساتذة بالعكس كايقولو نتا جيتي la Chine إلا و أنا عندي واحد l’objectif اللي هو أنني نقريك la langue ديالي نخليك تبغي la culture chinoise.
مني كاتجي la Chine، كاتولي تعتمد على راسك كتر ملي كاتعتمد على والديك ولا على شي واحد أخر لأن la Chine كلشي كاديرو لراسك بغيتي تسافر فالتيليفون ديالك كاتاخد ticket كتسافر، بغيتي تخرج خاص غير يكون عندك carte de bus تخرج، بغيتي تشري شي حاجة كلشي ساهل، donc خاصك غير تكون واحد الإنسان اللي عارف القوانين ديال la Chine ما تلعبش معاهم droite à gauche غادي تكون la vie ديالك هنايا مزيانة.
Unique كيفاش كانقولو بالعربية؟ شناهية؟ Unique فريدة من النوع ديالها,
Il ya beaucoup de bourses disponibles pour étudier le chinois, ou chinois dans la première année, puis 3 ans baccalauréat à l’Université de Tianjin.
Si vous êtes intéressé, inscrivez-vous ci-dessous et nous vous contacterons avec plus d’informations.
Are you interested in learning more? There are a large number of scholarships, you can apply here
- We’re Hiring International Marketing Manager at Global Admissions - October 29, 2024
- 2025 Intake: 7 Scholarships for ZUST - October 11, 2024
- Study Bachelor’s in Business Management in Shanghai - May 18, 2024